Diego Solís, nacíu en Xixón en 1991, ye graduáu en Llingua Española y les sos Lliteratures pola Universidá d’Uviéu. Agora mesmo cursa un Máster de Lliteratura Española ya Hispanoamericana na Universitat de Barcelona. Ye’l fundador ya ideólogu del movimientu Fame Poétika col que coordina too tipu d’eventos ya alcuentros venceyaos cola lliteratura y la cultura. Co-dirixe la revista de lliteratura moza Formientu. Publicó los sos artículos, poemes y rellatos n’estremaes antoloxíes y revistes. A entamos de 2018 asoleyó’l so primer llibru de poemes Hágase abril cola editorial Ruleta Rusa y tien termináu un poemariu n’asturianu que espera poder asoleyar tamién en poco tiempu.
Versu:
«Hai que matar la señaldá,
dexar que muerra,
que nos mate la so guapura».