Blog Page

FALLU DEL I PREMIU DE POESÍA N´ASTURIANU ANTÓN DE MARIRREGUERA PA XENTE MOZO

Poemarios presentaos: 3
Fallu: Con fecha 18 d’abril de 2018 el Xuráu del I Premiu de Poesía Antón de Marirreguera iguáu por D. Aurelio González Ovies (Presidente), Dña. Ana Vanessa Gutiérrez (Vocal) y D. Pablo Rodríguez Medina (Vocal-Secretariu) tres valorar les obres presentaes apauta por unanimidá dar el Primer Premiu de Poesía Antón de Marirreguera, Carreño, ñeru de la Pluma n’asturianu, a la obra titulada Chemtrails surden na mio boca, presentada baxo’l seudónimu Casimira Novená y que tres abrir la correspondiente plica resulta corresponder al autor Francisco Priegue.

El xuráu valora la unidá y coherencia del poemariu asina como l’aciertu y l’apueste por una renovación léxica y temática de la espresión poética qu’enancha los calces del panorama poéticu contemporáneu en llingua asturiana. El xuráu cuida que Chemtrails surden na mio boca ta llamáu a ser un poemariu de referencia pol éxitu de les sos apuestes y novedaes y el tonu desenfadáu, actual y de crítica social col que ta escritu.

Nota biográfica: Francisco Priegue (Avilés, 1991).

Dellos sos poemes tán espublizaos n’antoloxíes y revistes colectives: El Bollo, La Contraportada, Texedores de Lletres, Formientu, Koiné, Lluvia de Palabras, Mina de Palabras, Groenlandia, Larius, Liberoamérica, Oviedo: libro abierto, compaxinando la escritura en castellán y n’asturianu. Ye autor de la plaquette Llegar tarde es una rutina (El Patio, 2011) y los llibros de poemes: Desde momentos encapsulados (Groenlandia, 2013), Cuando la ciudad declama (Camelot, 2016), La procesión nocturna de los treinta y cinco demonios (Camelot, 2016), toos en castellán. Foi premiáu en certames lliterarios como’l Premiu P de Poesía Piloña y el Concursu Poéticu-Esperimental del VI Festival Internacional de Poesía ‘Pallabra nel Mundu’ y ye miembru de l’Asocia-ción d’Escritores d’Asturies. Fai performances nel Festival d’Andar por Casa y participa en recitales, tertulies y timbes poétiques.

Reseña del poemariu:

‘Chemtrails surden na mio boca’ apaez nes esteles químiques de los aviones a reacción que vuelen nes primeres semeyes tomaes un día entamáu pel cielu nidiu. Daquién diría que son una teoría de conspiración de testos escritos con fumu que sal pa desorbitar les relaciones humanes y el mediu nel qu’éstes se mueven y quiciabes, si s’axunten los sos títulos o les primeres pallabres, pue surdir un nuevu poema de vapor o partícules en suspensión.

I Feria del llibru n’ASTURIANU

Esti fin de selmana en Candás entama oficialmente la “Selmana de les Lletres Asturianes”.

Los díes 27, 28 y 29 d’abril, a lo llargo de diferentes sitios del conceyu de Carreño, fadránse los actos d’esta I Feria del Llibru n’Asturianu.

Programación:

Vienres, 27 d’abril

Alba de les Lletres Asturianes – 7:00 h. – la del Alba | Escueles de Llorgozana
Esti actu marca l’entamu oficial de la Selmana de les Lletres Asturianes. Presentarán l’actu Sílvia Suárez García y Ismael González Arias, y intervendrán Candela Murias Gutiérrez, alumna del CEIP Poeta Antón, y Pablo X. Suárez, ganador del XXIII Premiu «Xuan María Acebal» de Poesía n’asturianu.

Animación pa escolinos/es 9:30 h. – Escueles de Llorgozana
Programa d’animación pa escolino/es de les escueles rurales

Feria del Llibru n’asturianu de 10:00 a 14:00 y de 17:00 a 20:30 h. – Antigua Fábrica d’Ortiz
Inauguración de la Feria del Llibru n’asturianu (11:30). La feria tendrá un programa cultural al cargu de l’Asociación d’Escritores d’Asturies y d’animación pa neños y neñes.

Escueles na Feria de 10:30 a 14:00 h. – Antigua Fábrica d’Ortiz
Visita de los centros educativos y sociales de Carreño con desarrollu de programa específicu d’animación.

POÉTIQUES V 18:30 h. – Muséu Antón
La poesía de Xuan Bello
Presenta: Esther García – Intervién: Xuan Bello.
Música: Escuela de Música «Miguel Barrosa» de Carreño

SONES IV 19:00 h. – Antigua Fábrica d’Ortiz
Conciertu Sones del barrocu – Escuela de música «Miguel Barrosa» de Carreño.
Profesor: Javier Fernández.
Música: Escuela de Música «Miguel Barrosa» de Carreño.

TEATRU 21:00 h. Teatru Prendes
Xuan Soldáu
Carlos Alba «Cellero»
Premio Feten 2015 a la meyor adaptación de testu
Podrán garrase invitaciones nes llibreríes participantes na fera’l llibru

Teatru na Cai Monologuismo
La Escuela de Monologuistes de Carlos Alba «Cellero» ufiertará una amuesa de monologismu asturianu n’horariu de 22:30 a 00:30 nos establecimietos inxertos nel programa que tendrán un menú especial al preciu de 15 EUR.

Sábadu 28 d’abril

Feria del Llibru n’asturianu de 11:00 a 14:30 y de 18:00 a 22:30 h. – Antigua Fábrica d’Ortiz
Desarrollu de la Feria y programa d’animación infantil y cultural.

I Premiu de Poesía Antón de Marirreguera – 18:30 h. – Muséu Antón
Actos I Premiu de poesía Antón de Marirreguera

POÉTIQUES V 19:30 h. – Antigua Fábrica d’Ortiz
Poesía moza n’asturianu: falarase del estáu de la poseía moza n’asturianu con llectura de poemes polos poetes participantes.
Intervién: Diego Solís, Irma González-Quevedo, Aida Escudero y Inaciu Galán.

Música na Feria de 21:30 a 22:30 h. – Antigua Fábrica d’Ortiz
Cantautores asturianos: Amuesa de cantautores n’asturianu na Antigua Fábrica d’Ortiz.
Intervién Lafu & Rebeca Velasco, Rubén Bada y Leticia González.

Los establecimientos inxertos nel programa ufiertaán un menú especial al preciu de 15 EUR.

Domingu 29 d’Abril

Feria del Llibru n’asturianu de 11:00 a 14:30 h. – Antigua Fábrica d’Ortiz
Desarrollu de la Feria y programa d’animación infantil y cultural.

I Premiu Dichos y creatures, de 11:00 a 18:00 – Muelle de Candás
Actos I Premiu Dichos y creatures que nesta edición premia’l trabayu d’alumnáu d’asturianu n’escueles del Principáu d’Asturies sobre tradición oral asturiana. Fadrase la entrega de premios y darréu entamará la xornada de pesca pa los premiaos nel Muelle de Candás.
Entama: Club Cuatro Vientos.

Descarga equí’l programa de la I Feria del Llibru n’Asturianu

Sones III

Xueves, 12 d’abril 19:30 h. | Ilesia de Santa María la Real de Llorgozana

Templando Tañedores
Intérprete: Orquesta de Guitarres de la Escuela de Música «Miguel Barrosa»

Profesora: Noemí González

Poétiques IV

Xueves, 5 d’abril 19:30 h. | Muséu Antón

Conferencia sobre Antón de Marirreguera
Intervién: Xandru Martino Ruz

20:00 h. | Muséu Antón

La Poesía de Marta Mori
Presenta: Esther García | Intervién: Marta Mori

Poétiques III

Xueves, 8 de marzu 19:30 h. | Muséu Antón

La Poesía de Lourdes Álvarez
Presenta: Esther García | Intervién: Lourdes Álvarez

Lourdes Álvarez (L’Agüeria d’Urbiés, Mieres, 1961).

Poesía:
– Aldabes del olvidu, Alvízoras Llibros, 1990.
– Mares dÁñil, Casa Municipal de Cultura, Col. Teodoro Cuesta, 1992.
– Son del tardíu, Academia de la Llingua Asturiana, Llib. Académica, 2006.
– Como aquella que yeres, en Mediando les distancies, KRK, 2006. Introducción: “De la casa de los padres: la poesía de Lourdes Álvarez”, Leopoldo Sánchez Torre.
– P’anular los adioses, Ediciones Trea,2018

Cuadernos, antoloxíes:
– Cálices de la nueche, Málaga, Ed. Ángel Caffarena; publicaciones de la Librería Anticuaria El Guadalhorce, 1992.
– Dexar piadosamente qu’escureza, Xixón, Coleición Papelyna, nº 21, iviernu 1997.
– Poesía escoyida (1985-1997), Atenéu Obreru de Xixón, Col. Tiempu de Cristal, 1997. Prólogu: Xosé Bolado.

Reediciones:
– Aldabes del olvidu; Mares d’añil en Mediando les distancies, Uvieú, KRK, 2006. Introducción, Leopoldo Sánchez Torre.

Traducción
KIRKEGAARD, Ole Lund
Otto ye un rinoceronte / Ole Lund Kirkegaard; traducción de Lourdes Álvarez. Alfaguara, 1990.
MOYANO. Daniel.
Un sudaca na corte : y otros relatos / Daniel Moyano; traducción de Lourdes Álvarez ; introducción de Virginia Gil Amate.

Lliteratura infantil:
– Animalinos,Uvieú, Ambitu, 2005.
– Kiko Perico, Uvieú, Ambitu, 2005.
– Animales, Uvieú, Ambitu, 2006.
– Animalaes, Uvieú, Ambitu, 2007.
– La Primavera, Uvieú, Ambitu, 2008.

COORDENAES

D’esti tiempu de dubies fadré la casa
nueva. Convocaré esa idega de siempre indefiníu,
les hores de les cartes, les nueches averaes
a lluna tresparente. Tamién habrá —ye cierto—
de la otra casa antigua la piedra y el so fríu,
les bruxes, les solombres, l’aldaba del olvidu.
Pudiere haber —nun sé— dalgún recuerdu qu’otru,
el rir en dellos díes, l’aterecer del aire,
les caricies mermaes que’l suañu nos desfixo.
D’esta casa nueva fairá ríos el sol
anque dacuando l’ausencia nos la embargue.
(D’ Aldabes del olvidu)

NAMÁI LA CONDICIÓN

A Mari Álvarez Alba
A Josefina García Arias

Ella namás venía dalgunes tardes,
malpenes s’apreciaba la so presencia en mi
pero punxo’l so nome nes flores de la infancia
y pintó delles llunes del recuerdu de martes.
Yo pensaba na fe y en badagüeyos,
nes formes de los nomes que quería
col réquiem del color,
les manes d’un amor que se llamaba madre
n’ausencia los hermanos y el quefacer de casa.
Pero sólo llegaba delles tardes
archivaes ente’l xelu,
con carámpanos duros y la sonrisa gris,
tantiguando miseries en dalgún dolor muertu.
Yo tenía los domingos y el padre de los rizos
que cantó la tristura ente los xuegos
que nos trayíen la vida,
allargándose a veces colos ritos de pasu.
Ella venía mermada col so apegu,
con delles tresferencies na so mirada gris
pa dir con ella y caltener los vezos,
y siempre taba sola.
Vinientes del so sangre y del so encruz
-onde nun queda infancia-
allárguense les manes esta nueche de reines.
(De Mares d’añil)

TARÁNTULA MENUDA

Nunca más voi ser tuya;
sabes que dellos seres devoren el so amor:
les amantes vinientes hasta ver l’azul gris
de los postreros díes.
Asina yo,
tarántula menuda, que percorrió’l to suañu
pa trancar toles siendes.
Asina yo; nunca más voi ser tuya:
por más que siempre sepas que te quixi
y nun seas a entender el sangre que comía,
materia de cristales.
Asina yo,
abrazos de la sombra que nos dio por perdíes.

( De Como aquella que yeres)

HABÍA

A Francisco Fonseca Ramos
A Roberto González-Quevedo

Sentaos en cualquier bancu de los parques,
teníemos el vezu de recontar, una y otra
vegada, el sentir de la infancia quiciabes
más real qu’ilusionáu, coronáu de tristura.
Masque naquelles hores ficiéramos l’apueste
de pone-y brillu al pasáu, la llárima abondosa
chiscaba los relatos.
Llegaben hasta nós
los paisaxes de pueblu con dalguna sonrisa.
La collecha, les uves, el pan negro
enriba de la mesa que partíemos
coles manes
a la hora cenar.
Y que nun nos faltare – dicíen familiarmente
los sabíos de la fame-.

Había, había, quitándonos el turnu, delles coses amables
que queríen abrazar tanta desolación.
Siempre les madres nuestres, que cosíen y planchaben,
qu’enduviellaben llana pa texer pel iviernu a la vera del llar.

Había, había, el calor del hermanu al pie de nós
nos xergones de fueya garduñando la piel
si nos movíemos muncho pela nueche.
Los ñeros de la primavera que deprendíemos tal ayalgues,
la mestura les flores, el barru, la seca y los pardales.
Andarines y roses
había, había…

A la vuelta la vida
rasga la pena llarga.

( De P’anular los adioses)

Sones II

Xueves, 8 de marzu 17:00 h. | Ilesia de Santiago d’Albandi

Ensemble de flautes traveseres
Intérprete: Escuela de Música «Miguel barrosa» de Carreño
Profesora: Begoña Vázquez Rodríguez

Poétiques II

Jueves 15 de febrero 19:30 h | Muséo Antón
La poesía de Roberto González-Quevedo.
Presenta: Esther García | Interviene: Roberto González-Quevedo.
Música: Escuela de Música “Miguel Barrosa” de Carreño.

Roberto González-Quevedo comenzó su actividad literaria en 1980 con la publicación del primero de seis volúmenes de la colección “Na nuesa tsingua”, en colaboración con Eva González (Poesías ya cuentus, 1980, Poesías ya hestorias, 1980; Bitsarón, 1981; Xentiquina; 1883; Xeitus, 1985; Brañas d’antanu ya xente d’anguanu, 1990). En 2007 se publicaron en un solo volumen todas estas obras (Poesías ya hestorias na nuesa tsingua).
Na so obra narrativa destaquen: Pol sendeiru la nueite (2002), El Sil que baxaba de la nieve (2007), Onde viven los amigos (2010), Sangre na braña, (2011) y Hestoria de la lliteratura primera en Pesicia (2014).
En cuantes a la so actividá poética tien espublizaes estes obres: Inis Aión, 1986; L.lume de l.luz, 2002; Pan d’amore, 2004 y La nieve de Pesicia, 2017.

Tres poemes

1 LA MUERTE
Él vivía al nuesu l.láu.
Con nós cruzóu las nueites
de los branos escuros
ya talióu las corradas
al esneviar el día.
Muitos yeran los xuegos,
xugábamos a escondenos ya atoupanos.

L.levánonlu un día a la furaca
ya dixenon que taba muertu,
qu’enxamás xugaríamos con él.
Pero nós nun creyimos la hestoria.
Ya como briespas busquemos
el sou cuerpu,
comu briespas busquemos
el sou cuerpu.
Amirémoslu tou,
namás dexemos de mirare
na furaca,
pos sabíamos qu’ail.lí nun podía tare.

Un día pol utuenu
dímonos por vencidos.
Engaramaos a un bedul
dixímos-l.ly bien fuerte,
conos güechos chenos de tristura,
cona voz mochada de tenrura:
“Amigu nuesu: ¡Ganesti!
¡Nun somos a alcontrate!”.

Los outros dedícanse a vivire.
You, dedícome a pensare.
Ya cuandu piensu digu al nuesu amigu:
“Ganesti, amigu nuesu,
nun t’alcuentro!”.

2 LA MIA CABANA
Por fin toi solu.
Marchanon los amigos.

Enxamás tornarán yá
las esperanzas d’antias.

Enxamás los güechos
amirarán las mesmas cousas.

Marchanon los amigos.
¡Qué marchen con buen pía!

Yá nun son los mieos amigos.
Son sacaberas murnias.
Son antroidos d’outuenu.

Pero la mía cabana
dexóu la puerta abierta
pa los amigos nuevos.

3 DI QUE NON
Dura.
Chena d’alcordanzas.

Ya fuerte como la castañal
escontra l’aire del xelu.

Enxamás digas que sí a los outros.

Dura.
Vengatible.

Venga la esclavitú,
los tiempos humildaos,
la derrota del silenciu.

Porque vienes d’un buelu
que xugaba a la muerte conos osos
ya no monte
espantaba los l.lobos
con colmiel.los de sangre.

Estirpe salvaxe,
bardina sangre,
tu di siempres que non.

Sones I

Jueves, 8 de febrero 17:45 h | Santuario de los Remedios de Guimarán.
Concierto Voces del Barroco | Interpretación de piezas de música barroca (arias y oratorio)
Intérprete: Grupo de Técnica Vocal de la Escuela de Música «Miguel Barrosa» de Carreño
Profesor: David Colado Coronas | Piano: Ángeles y Maria Jesús Cueva.

Poétiques I

Jueves, 18 de enero 19:30 h | Muséo Antón
La poesía de Xurde Fernández.
Presenta: Pablo Texón | Interviene: Xurde Fernández.
Música: Escuela de Música “Miguel Barrosa” de Carreño.

Xurde Fernández (Candás, 1975) es licenciado en Filología Hispánica y especialista en Llingua Asturiana, de la que imparte clase en el Instituto de Educación Secundaria de Candás. Fue primeramente conocido como narrador (cuentista y novelista), tiene varias obras editadas (Volver, 2007; El color del escaezu, 2008, junto a Marián García; La espera, 2008; Ucrania y otros nomes de muyer, 2009; Díes d’iviernu, 2009 -Premiu Llorienzu Novo Mier-; Intentu d’escritura, 2010 (Premiu de la crítica); y Aeropuertu, junto a Marián García, 2011). Pero es también autor de textos dramáticos (Pa L’Habana, 2016. Premiu de l’Academia de la Llingua Asturiana), poemarios (Difícil, 2017. Premiu Fernán Coronas) y de varios libros para niños y niñas (Febreru, 29, 2009, junto a Marián García. Accésit Premiu Asturnews; L’árbol de la verdá, 2011, junto a Marián García; Antón quería ser porteru, 2011, junto a David Fernández)

DIFÍCIL
DIFÍCIL ENTENDER
que toos lloramos;
difícil desplicar
qu’él tamién llora.
Difícil afalagar,
secar les llárimes,
cuando sabes que’l
problema
namás ye
del mundu
que triamos cada día.
Difícil d’esplicar
-permitíime la suavidá na espresión-
si nun ye
con un puñetazu enriba
la mesa.

PALABRES
SÉ QUE YERA FÁCIL, MUI FÁCIL
guardar en caxes o bolses
les palabres escaecíes desque nací,
les palabres qu’entá suaño y yá naide diz,
les palabres que, quiciabes, yá naide va dicir.

Sé que yera fácil, mui fácil
guardales
enantes de qu’esta nueche aportara la escuridá,
el mio fin,
el nuestru fin.

Inauguración del primer programa cultural Antón de Marirreguera

Jueves 11 de enero de 2018
12:30 horas
La inauguración se celebrará en la Biblioteca Pública Municipal Carlos González posada de Candás con asistencia de representantes de las entidades organizadoras. Tendrá lugar el acto en el que se descubre una placa conmemorativa en recuerdo de Anton de Marirreguera dedicándose le una de las salas de la Biblioteca Municipal. Y seguidamente actuación musical del grupo de viento metal de la Escuela de Música Miguel Barrosa de Carreño.